Инфекциялық аурулардың алдын алу зертханасы

Зертхана меңгерушісі – Қ.Қ.Табынов, ветеринария ғылымдарының кандидаты. 80 ғылыми еңбектің, оның ішінде 16 өнертабыстың авторы.

Қазақстан Республикасы тәуелсіздігінің 20 жылдығына арналған «БҚПҒЗИ жас ғалымдарының үздік инновациялық идеялары» байқауының жеңімпазы, «Жастар 2011» Республикалық жастар сыйлығының «Жылдың жас ғылымы» (2011 ж) номинациясы бойынша иегері, «Биология және медицина» саласы бойынша Қазақстан Республикасының Бірінші Президенті-Ұлт Көшбасшы Қоры сыйлығының иегері (2012 ж).

Зертхана қызметінің негізгі бағыттары:

-Жануарлар мен құстардың қауіпті және аса қауіпті вирустық ауруларына қарсы вакциналық препараттарды дайындау және қолдану технологиясын жасау;

-Қазақстан Республикасының денсаулық сақтау саласы үшін пандемиялық және маусымдық тұмауға қарсы вакциналардың қауіпсіздігі мен иммуногенділігін клиникаға дейінгі сынау;

– Қазақстан Республикасы аумағындағы құс тұмауына эпизоотологиялық мониторинг жасау және бөлінген вирустардың биологиялық қасиеттерін зерттеу;

-Жануарлар мен құстардың қауіпті вирустық аруларына қарсы вакциналық препараттар өндіру және шығару;

Зертхананың негізгі жетістіктері:

-А/Н5N1 жоғары патогенді құс тұмауына қарсы инактивтендірілген эмульгирленген вакцинаны дайындаудың тиімді технологиясы жасалды, сынақтан өткізілді және өндіріске енгізілді;

– А/Н1N1 шошқа тұмауына қарсы REFLUVAC пандемиялық тұмауға қарсы инактивтендірілген вакцинасын дайындау технологиясы жасалды;

– А/Н5N1 құс тұмауына қарсы KAZFLUVAC пандемиялық тұмауға қарсы инактивтендірілген вакцинасын дайындау технологиясы жасалды;

-А/HK/Otar/6:2/2010 (Н3N8) рекомбинантты суыққа бейімделген штаммынан жылқы тұмауына қарсы бірінші отандық тірі вакцина жасалды;

-Бүкілдүниежүзілік денсаулық сақтау ұйымы ұсынған  NIBRG-121xp (H1N1), A/8/Perth/16/2009 (H3N2) және В/Brisbane/60/08 штаммдарынан KAZFLUVIR маусымдық үшвалентті тұмау вакцинасын дайындау технологиясы жасалды;

Заведующий лабораторией
Коллектив лаборатории